烘焙生涯的開始

我已經大大話話做咗十幾年餅，初初由自學開始，並且乜嘢都學(中菜啦、點心啦、西餅啦、麵包啦、外省菜啦)但後來我發覺愛上了西餅甜點，因為我好中意食。而西點個presentation又pro啲於是我的起心肝響1999年開始去正式學。工聯會、Towngas、香子蘭、Cookhouse、Indulgency我都去過。但得着最多係響黃克兢工業學院讀Short Course時識到 何肖琼 老師。當時Miss HO仲响黄克兢教書。後來加入咗由Miss HO做會長嘅香港烘焙協會，識咗好多烘焙業內人仕。仲有幸跟佢哋學咗好多嘢，如萬豪酒店Thomas LUI嘅朱古力班，Johnny CHAN 嘅朱古力班同拉糖班，華嘉公司法國餅師嘅Demo等等。我希望可以分享我嘅做包餅心得，同一些我烘焙生涯的心路歷程。